Оқушыларды тамақтандырудың сапасын бақылау

Оқушыларды тамақтандырудың сапасын бақылау бойынша бракераждық комиссия- мектеп директоры Турганбаева Б.К., директордың тәрбие ісі жөніндегі орынбасары Мусабаева Т.Р., әлеуметтік педагог Бейбітова Қ.Б., мектеп  медбикесі Серікболат Н., мен ата - аналар қауымынан Тулкибаева Ю.Н.,  қамқоршылық кеңес мүшесі Сегізбаева М. 15 қыркүйек күні  асхана жұмысына тексеру жүргізді. Тексеру барысында анықталғаны: 
асхана іші таза, жарық, ыстық тамақ талапқа сай, ІІ аптаның  жұма күнгі ас мәзіріне сәйкес берілді.  Тағам құрамдары балалардың жас ерекшеліктеріне қарай өлшемге сәйкес болды. 
Оқушылардың тамақтану кестесі, мектеп әкімшілігінен  және мұғалімдерден кезекшілік кестесі  жасалынған. 5-11 сыныптар бойынша тегін тамақпен қамтамасыз етілген жағдайы төмен отбасындағы оқушылар саны - 34. Бастауыш сыныптарда 114 оқушы тегін ыстық тамақпен қамтамасыз етіліп отыр. Сондай - ақ,  оқушылардың ата - анасының ақшасына сатып алып ішулеріне жағдай жасалған.
Асхана қызметкерлерінің барлығының медициналық тексеруден өткендігі туралы медициналық кітапшалары болды. 
Ата- аналар атынан асханада ақшаға сатып алып тамақтанатын оқушылар үшін жеке буфеттік үстелдер қою туралы ұсыныс айтылды.